PERFECT TRIO – პარაზიტების საწინააღმდეგო წვეთები, კატებისთვის, 0,8მლ (4-10კგ), 3 პიპეტი

PerFect TRIO – პარაზიტების საწინააღმდეგო წვეთები

კატებისთვის, 0,8მლ (4-10კგ)

(წვეთები გარეგანი გამოყენებისათვის)

შემადგენლობა
პრეპარატის 1 მლ შეიცავს აქტიურ ნივთიერებებს:
ფიპრონილი – 100,0 მგ; ივერმექტინი – 15,0 მგ; პირიპროქსიფენი – 20,0 მგ.
დამხმარე ნივთიერებები: დიმეთილსულფოქსიდი, ბენზილის სპირტი, გლიცეროლფორმალი.
გამოყენება
ძაღლებისა და კატების პროფილაქტიკა და მკურნალობა ექტო- და ენდოპარაზიტების ინვაზიისგან:
● რწყილები და მათი ლარვები (Ctenocephalides canis/felis, Pulex irritans);
● ტილები (Linognathus setosus);
● ბეწვისმჭამელი ტილები (Trichodectes canis, Felicola subrostratus);
● სამი გვარის კოღოები: კოღო Aedes, ჩვეულებრივი კოღო Culex და მალარიის
კოღო Anopheles;
● იქსოდისებრი ტკიპები (Ixodes spp., Dermacentor spp., Haemaphysalis spp.,
Rhipicephalus spp., Boophilus calcaratus) იმაგინალურ, ნიმფურ და ლარვის
სტადიებზე;
● აკარიფორმის ტკიპები (Otodectes cynotis, Notoedres cati, Sarcoptes canis და Cheyletiella spp.);
● თრომბიდიფორმის ტკიპები (Demodex canis, D. gatoi, D. felis);
● ნემატოდამტრალური არხები (Toxocara spp., Toxascaris spp., Trichuris vulpis,
Uncinaria stenocephala და Ancylostoma spp.);
● ლარვების მიკროფილარია L3 და L4 სტადიებში (Dirofilaria immitis და Dirofilaria repens).
დოზირება
პრეპარატს ნიშნავენ ერთჯერადად მოზრდილ ძაღლებსა და კატებზე, 3 თვის ასაკიდან ლეკვებსა და კნუტებზე სხეულის მასით 2 კგ-ზე მეტი. პრეპარატი დაიტანება ცხოველის მშრალ, დაუზიანებელ კანზე ბეჭებს შორის: კატებში – კანზე კისრის მიდამოში, ძაღლებში – ბეჭებს შორის და ხერხემლის გასწვრივ, ხოლო ყურის ტკიპის სახეობის Otodectes cynotis ინვაზიის შემთხვევაში – ყურის ნიჟარის კანზე.

პრეპარატის დატანებისთვის მოჭერით პიპეტის წვერი, ცხოველის ბეწვი გაყავით ისე, რომ კანი გამოჩნდეს, პიპეტის წვერი დადეთ კანს და რამდენჯერმე დააჭირეთ პიპეტს, რომ მთელი შიგთავსი კანზე გადაიტანოთ.

პრეპარატის დოზებია:
● ძაღლები და კატები სხეულის მასით 4 კგ-მდე – 1 პიპეტი 0,6 მლ პრეპარატი;
● ძაღლები და კატები სხეულის მასით 4-10 კგ-მდე – 1 პიპეტი 0,8 მლ პრეპარატი;
● ძაღლები სხეულის მასით 10-20 კგ-მდე – 1 პიპეტი 1,6 მლ პრეპარატი;
● ძაღლები სხეულის მასით 20-40 კგ-მდე – პიპეტების კომბინაცია 0,8 მლ და 1,6 მლ პრეპარატი;
● ძაღლები სხეულის მასით 40 კგ-დან – 2 პიპეტი 1,6 მლ პრეპარატი.
ცხოველების იქსოდისებრი ტკიპებით დაინფიცირების შემთხვევაში პრეპარატი დაიტანება დოზით – 1 წვეთი თვით ტკიპაზე და ადგილზე, სადაც მიმაგრებულია კანს. თუ 20 წუთის განმავლობაში ტკიპა თავისით არ მოსცილდა, მას ფრთხილად აშორებენ პინცეტით.
ძაღლებში სარკოპტოზის, დემოდეკოზის და კატებში ნოტოედროზის მკურნალობის მიზნით პრეპარატი გამოიყენება 2-4-ჯერ 7-10 დღე-ღამის ინტერვალით; პროფილაქტიკის მიზნით – 1-ჯერ თვეში. მკურნალობა რეკომენდირებულია ჩატარდეს კომპლექსურად ეტიოტროპული, პათოგენეტიკური და სიმპტომატური საშუალებების გამოყენებით.
დიდი ზომის ძაღლების დამუშავებისას, სამკურნალო საშუალება კანზე 3-4 ადგილას დაიტანება.
ოტოდექტოზის მკურნალობისას (ყურის ქავილი) PerFect TRIO წვეთები გამოიყენება ერთჯერადად. მკურნალობის პროცესში რეკომენდირებულია სასმენი არხის გაწმენდა ექსუდატისა და ფუფხისგან, ხოლო ოტიტის გამწვავების შემთხვევაში დაინიშნოს ანტიმიკრობული და ანთების საწინააღდმდეგო საშუალება. საჭიროების შემთხვევაში მკურნალობის კურსს იმეორებენ.
პრეპარატის დაცვითი მოქმედების ხანგრძლივობა ცხოველის ერთჯერადად დამუშავებისას ნარჩუნდება ძაღლებში ტკიპების შემთხვევაში – 30 დღის განმავლობაში, კატებში – 21 დღემდე, ძაღლებში მწერების შემთხვევაში – 2 თვემდე, კატებში – 1,5 თვემდე.

პრეპარატით ცხოველების განმეორებითი დამუშავება პარაზიტების აქტივობის სეზონის განმავლობაში რეკომენდირებულია ჩატარდეს ჩვენებების მიხედვით, მაგრამ არა უმეტეს 1-ჯერ თვეში. ცხოველების ტილებით განმეორებითი ინვაზიის თავიდან აცილების მიზნით, საჭიროა პერიოდულად შეცვალოს ან დამუშავდეს საფენ-საგებები ინსექტიციდური საშუალებებით გამოყენების ინსტრუქციის შესაბამისად.
უკუჩვენებები
მომატებული მგრძნობელობა პრეპარატის კომპონენტების მიმართ!
არ გამოიყენოთ 3 თვემდე ასაკის ლეკვებში და კნუტებში და 2 კგ-ზე ნაკლები სხეულის მასის ძაღლებში!
არ გამოიყენოთ ავადმყოფ, გამოფიტულ და დასუსტებულ ცხოველებში!
არ გამოიყენოთ პრეპარატი სხვა სახეობის ცხოველების, განსაკუთრებით კურდღლების სამკურნალოდ, არასასურველი რეაქციების წარმოქმნის რისკის გამო, რამაც შეიძლება გამოიწვიოს ცხოველების სიკვდილი.
არ გამოიყენოთ პრეპარატი ორსულ ცხოველებში და ლაქტაციის დროს.
პრეპარატი არ არის რეკომენდირებული გამოიყენოთ შემდეგი ძაღლის ჯიშებში: კოლი, შელტი, ბობტეილი, შოტლანდიური ავჩარკა და მათ ნაყარზე, პრეპარატის შემადგენლობის შესაძლებელი ნეიროტოქსიკური მოქმედების გამო!

მხოლოდ ვეტერინარულ მედიცინაში გამოსაყენებლად!